வெப்பம் தாளாமல்
பிரிந்து நடக்கையில் தான்
பொழியத்துவங்குகிறது பெருமழை
அருகிலிருக்கும் கூரை தேடி ஓடி
ஈரமாகாததாய் நம்பிக்கொள்வது
ஆசுவாசமாயிருக்கிறது
ஏனெனில்
நீர் சொக்கும் ஆடைகளில்
இருக்கவே செய்கின்றன
அழுக்குப்படிந்த கற்பனைகளுக்கான
சாத்தியகூறுகள்
இன்னும் முடிவடையாத நாளின் ஓரத்தில்
இறுகிக்கிடக்கும் மண் முடிச்சுக்கள்
எதிர்பாராமல் இளகுகின்றன
கலங்கி இருப்பினும்
குளிர்ந்து வழிந்தோடுகிறது
ரோட்டோரத்து செம்மண் நீர்
போதிலும்
நகரமெங்கும் பரவி பெய்யும் மழையில்
நனைவதற்கும் ஒதுங்கி நிற்பதற்குமான
அலைகழிதலில்
ஒவ்வொருமுறையும் கழிந்துவிடுகிறது
நிகழ்
- அனிதா
8 comments:
நனைவதற்கும் ஒதுங்கி நிற்பதற்குமான
அலைகழிதல்.
இந்த ஒற்றை வரி நிறைய செய்திகளைச்
சொல்கிறது.
வாழ்த்துக்கள்.
தேன் சொட்டுகளாய் கவிதை மழை.
அருமை. நன்றி.
//போதிலும்//
அருமை :-))))
உங்களின் வழக்கமான பாணியிலான கவிதை முடிவில் நிகழ் என்கிற வார்த்தையில்லாமலேயே கவிதை முடிவடைந்திடுகிற உணர்வு வருகிறது
அருமை!
மழை நின்றபின்னும் விழும் தூவானமாய், படித்து முடித்த பின்னும் மறையவில்லை உங்களது கவிதைச் சாரல்..!!!
anitha simply nice...
திறந்த விழியில் கனவையும் வடிக்கும் கவிதைகள் - நன்றி
Post a Comment